ਜਲੰਧਰ (ਹਿਤੇਸ਼ ਸੂਰੀ) : ਪੰਜਾਬ ਪ੍ਰੈਸ ਕਲੱਬ ਦੇ ਬਾਨੀ ਪ੍ਰਧਾਨ ਸਵ: ਸ਼੍ਰੀ ਆਰ.ਐਨ ਸਿੰਘ ਦੀ ਬਰਸੀ ਦੇ ਸੰਦਰਭ ਵਿਚ ਉਨ੍ਹਾਂ ਨੂੰ ਯਾਦ ਕਰਦਿਆਂ ਪੰਜਾਬ ਪ੍ਰੈਸ ਕਲੱਬ ਜਲੰਧਰ ਵੱਲੋਂ ਅੱਜ ਇੱਕ ਸੈਮੀਨਾਰ ਕਰਵਾਇਆ ਗਿਆ । ਇਸ ਯਾਦਗਾਰੀ ਸੈਮੀਨਾਰ ਦਾ ਵਿਸ਼ਾ ‘ਪੰਜਾਬ ਸਮੱਸਿਆਵਾਂ ਤੇ ਸੰਭਾਵਨਾਵਾਂ’ ਸੀ। ਇਸ ਸੈਮੀਨਾਰ ਦੇ ਮੁੱਖ ਬੁਲਾਰੇ ਰਿਟਾਇਰਡ ਪ੍ਰਿੰਸੀਪਲ ਡਾ. ਬਿਕਰਮ ਸਿੰਘ ਵਿਰਕ ਸਨ। ਇਸ ਮੌਕੇ ਡਾ. ਵਿਰਕ ਨੇ ਪੰਜਾਬ ਦੇ ਵਿੱਤੀ ਹਾਲਾਤ ‘ਤੇ ਤੱਥਾਂ ਤੇ ਅੰਕੜਿਆਂ ਦੀ ਰੌਸ਼ਨੀ ਵਿਚ ਚਰਚਾ ਕਰਦਿਆਂ ਡੂੰਘਾਈ ਨਾਲ ਪਿਛਲੇ 25 ਸਾਲਾਂ ਤੋਂ ਸੂਬੇ ਸਿਰ ਚੜੇ ਕਰਜ਼ੇ ‘ਤੇ ਝਾਤ ਪਾਈ। ਡਾ. ਵਿਰਕ ਨੇ ਵਿਸਥਾਰ ਸਹਿਤ ਦੱਸਿਆ ਕਿ ਪਿਛਲੀਆਂ ਪੰਜ ਸਰਕਾਰਾਂ ਨੇ ਕਿਵੇਂ ਪੰਜਾਬ ਦਾ ਵਾਲ-ਵਾਲ ਕਰਜ਼ਾਈ ਕੀਤਾ ਤੇ ਲੋਕ ਲੁਭਾਵਣੀਆਂ ਨੀਤੀਆਂ ਨਾਲ ਲੋਕਾਂ ਨੂੰ ਮੁਫ਼ਤਖੋਰੀ ਦੇ ਆਦੀ ਬਣਾਇਆ। ਉਨ੍ਹਾਂ ਦੱਸਿਆ ਕਿ ਪੰਜਾਬ ਅੱਜ ਵੀ ਖੇਤੀ ਪ੍ਰਧਾਨ ਸੂਬਾ ਹੈ, ਪਰ ਖੇਤੀ ਕੁਝ ਗ਼ਲਤ ਨੀਤੀਆਂ ਕਾਰਨ ਲਾਹੇਵੰਦ ਧੰਦਾ ਸਾਬਤ ਨਹੀਂ ਹੋ ਰਹੀ। ਡਾ. ਵਿਰਕ ਨੇ ਚਿੰਤਾ ਪ੍ਰਗਟਾਉਂਦਿਆਂ ਕਿਹਾ ਕਿ ਇਸ ਵੇਲੇ ਪੰਜਾਬ ਦੇ ਜੋ ਹਾਲਾਤ ਹਨ ਉਨ੍ਹਾਂ ‘ਤੇ ਕਾਬੂ ਪਾਉਣ ਲਈ ਸਭ ਤੋਂ ਜ਼ਰੂਰੀ ਹੈ ਪੰਜਾਬ ਵਿਚੋਂ ਮੁਫ਼ਤਖੋਰੀ ਭਾਵ, ਬਿਜਲੀ, ਦਾਲ ਆਟਾ, ਪਾਣੀ ਆਦਿ ਮੁਫ਼ਤ ਦੇਣ ਦਾ ਸਿਲਸਿਲਾ ਖ਼ਤਮ ਕੀਤਾ ਜਾਏ। ਉਨ੍ਹਾਂ ਨੇ ਕਿਹਾ ਕਿ ਬੇਹੱਦ ਗ਼ਰੀਬ ਭਾਵੇਂ ਉਹ ਕਿਸੇ ਵੀ ਸ਼੍ਰੇਣੀ ਦੇ ਹੋਣ, ਲਈ ਹੀ ਇਹ ਸਹੂਲਤਾਂ ਹੋਣੀਆਂ ਚਾਹੀਦੀਆਂ ਹਨ। ਉਨ੍ਹਾਂ ਨੇ ਕਿਹਾ ਕਿ ਇਸ ਦੇ ਨਾਲ ਹੀ ਸੂਬੇ ਵਿਚ ਅਜਿਹੀ ਸਨਅਤ ਲੈ ਕੇ ਆਉਣ ਦੀ ਲੋੜ ਹੈ, ਜੋ ਖੇਤੀ ਨਾਲ ਸਬੰਧਤ ਹੋਵੇ, ਜਿਸ ਨਾਲ ਰੁਜ਼ਗਾਰ ਦੇ ਮੌਕੇ ਵੀ ਵਧਣਗੇ ਅਤੇ ਖੇਤੀ ਵੀ ਹੰਢਣਸਾਰ ਬਣੇਗੀ ਅਤੇ ਪੰਜਾਬ ਵਿਚੋਂ ਨੌਜਵਾਨਾਂ ਦੇ ਪਲਾਇਨ ‘ਤੇ ਵੀ ਠੱਲ੍ਹ ਪਵੇਗੀ। ਇਸ ਮੌਕੇ ਮੌਜੂਦ ਸਰੋਤਿਆਂ, ਕਾਲਜ ਵਿਦਿਆਰਥੀਆਂ ਤੇ ਪੱਤਰਕਾਰਾਂ ਨੇ ਉਨ੍ਹਾਂ ਤੋਂ ਆਪਣੇ ਸਵਾਲ ਪੁੱਛੇ, ਜਿਨ੍ਹਾਂ ਦੇ ਉਨ੍ਹਾਂ ਨੇ ਤਸੱਲੀਬਖਸ਼ ਜਵਾਬ ਵੀ ਦਿੱਤੇ। ਇਸ ਮੌਕੇ ਪੰਜਾਬ ਪ੍ਰੈਸ ਕਲੱਬ ਵੱਲੋਂ ਪਿਛਲੇ ਦਿਨੀਂ ਲਗਾਈ ਤਿੰਨ ਰੋਜ਼ਾ ਫੋਟੋ ਪ੍ਰਦਰਸ਼ਨੀ ਵਿਚ ਪਹਿਲੇ ਤਿੰਨ ਸਥਾਨਾਂ ‘ਤੇ ਆਉਣ ਵਾਲਿਆਂ ਨੂੰ ਇਨਾਮ ਤੇ ਸਰਟੀਫਿਕੇਟ ਵੀ ਤਕਸੀਮ ਕੀਤੇ ਗਏ। ਇਸ ਮੌਕੇ ‘ਤੇ ਪੰਜਾਬ ਪ੍ਰੈਸ ਕਲੱਬ ਜਲੰਧਰ ਦੇ ਪ੍ਰਧਾਨ ਸਤਨਾਮ ਸਿੰਘ ਮਾਣਕ ਨੇ ਸੈਮੀਨਾਰ ਵਿਚ ਸ਼ਾਮਿਲ ਹੋਣੇ ਵਾਲਿਆਂ ਦਾ ਨਿੱਘਾ ਸਵਾਗਤ ਕੀਤਾ। ਇਸ ਸੈਮੀਨਾਰ ਵਿਚ ਪ੍ਰੋਫੈਸਰ ਜਸਵੰਤ ਸਿੰਘ ਗੰਡਮ, ਡਾ. ਕਮਲੇਸ਼ ਦੁੱਗਲ, ਕੁਲਦੀਪ ਸਿੰਘ ਬੇਦੀ, ਸੰਗਤ ਰਾਮ, ਭੁਪਿੰਦਰ ਮੱਲ੍ਹੀ, ਡਾ. ਸਿਮਰਨ ਤੇ ਰਮੇਸ਼ ਚੰਦਰ ਨੇ ਵਿਸ਼ੇਸ਼ ਤੌਰ ‘ਤੇ ਸ਼ਿਰਕਤ ਕੀਤੀ। ਇਨ੍ਹਾਂ ਤੋਂ ਇਲਾਵਾ ਪੰਜਾਬ ਪ੍ਰੈਸ ਕਲੱਬ ਦੇ ਸੀਨੀਅਰ ਮੀਤ ਪ੍ਰਧਾਨ ਰਾਜੇਸ਼ ਥਾਪਾ, ਮੀਤ ਪ੍ਰਧਾਨ ਤੇਜਿੰਦਰ ਕੌਰ ਥਿੰਦ, ਮੀਤ ਪ੍ਰਧਾਨ ਮਨਦੀਪ ਸ਼ਰਮਾ, ਮੀਤ ਪ੍ਰਧਾਨ ਪੰਕਜ ਰਾਏ, ਜੁਆਇੰਟ ਸਕੱਤਰ ਰਾਕੇਸ਼ ਸੂਰੀ, ਸਕੱਤਰ ਮਿਹਰ ਮਲਿਕ, ਕੈਸ਼ੀਅਰ ਸ਼ਿਵ ਸ਼ਰਮਾ, ਜਨਰਲ ਮੈਨੇਜਰ ਜਤਿੰਦਰ ਪਾਲ ਸਿੰਘ, ਸੀਨੀਅਰ ਪੱਤਰਕਾਰ ਰਾਕੇਸ਼ ਸ਼ਾਂਤੀਦੂਤ, ਸੁਨੀਲ ਰੁਦਰਾ, ਨਿਖਲ ਸ਼ਰਮਾ, ਸੰਦੀਪ ਸਾਹੀ, ਪਾਲ ਸਿੰਘ ਨੌਲੀ, ਮਲਕੀਤ ਸਿੰਘ ਬਰਾੜ, ਪਰਮਜੀਤ ਸਿੰਘ, ਗੌਰਵ ਬੱਸੀ, ਸੁਰਿੰਦਰ ਕੰਬੋਜ, ਸਵਦੇਸ਼ ਨਣਚਾਹਲ, ਕਰਮਵੀਰ ਸਿੰਘ, ਰਮੇਸ਼ ਗਾਬਾ, ਜਤਿੰਦਰ ਸ਼ਰਮਾ, ਜੇ.ਐਸ ਸੋਢੀ, ਰਮੇਸ਼ ਭਗਤ, ਕਰਮਵੀਰ ਸੰਧੂ, ਵਾਰਿਸ ਤੇ ਹੋਰ ਪੱਤਰਕਾਰਾਂ ਨੇ ਵੀ ਇਸ ਸੈਮੀਨਾਰ ਵਿਚ ਭਾਗ ਲਿਆ।
Related Articles
19 सितंबर से 25 सितंबर तक श्रीमद् भागवत कथा का होगा भव्य आयोजन : साईं दास स्कूल ग्राउंड, पटेल चौक जालंधर में वैदिक मंत्रोच्चारण के साथ भूमि पूजन संपन्न, विशाल कलश यात्रा 18 सितंबर को : संजीव वर्मा
07/09/2024
स्वतंत्रता सेनानी अमर शहीद लाला जगत नारायण की 43वीं पुण्यतिथि के अवसर पर NIT जालंधर में रक्तदान शिविर आयोजित, कार्यक्रम में विशेष तौर पर श्री अविनव चोपड़ा हुए शामिल : प्रो. बिनोद कुमार कन्नौजिया
07/09/2024
पंजाबी गायक करण औजला पर लंदन में लाइव कॉन्सर्ट में मारा जूता : चेहरे पर लगा ; गुस्साए सिंगर ने मंच से निकाली गालियां, सिद्धू मूसेवाला के साथ रहे थे विवादों में
07/09/2024
♦️श्री सिद्ध बाबा सोढल मेले की तैयारियों को लेकर प्रशासन ने की श्री सिद्ध बाबा सोढल सुधार सभा (रजि.) एवं चड्ढा बिरादरी (रजि.) से बैठक
♦️पदम् श्री विजय कुमार चोपड़ा व श्री अविनाश चोपड़ा के सरंक्षण में श्री सिद्ध बाबा सोढल सुधार सभा (रजि.) एवं चड्ढा बिरादरी (रजि.) आयोजित करेगी विभिन्न कार्यक्रम : प्रधान पंकज चड्ढा
♦️DC हिमांशु अग्रवाल, एडिशनल कमिश्नर (नगर निगम) विक्रांत वर्मा, M.L.A रमन अरोड़ा सहित समूह जिला प्रशासनिक अधिकारियों ने पूर्ण सहयोग का दिया आश्वासन
07/09/2024
Check Also
Close