🔥ਮੋਗਾ ਵਿੱਚ ਸਰਕਾਰ ਵਲੋ ਸਮਾਰਟ ਮੀਟਰ ਲਗਾਉਣ ਦੇ ਯਤਨਾਂ ਦਾ ਕਿਰਤੀ ਕਿਸਾਨ ਯੂਨੀਅਨ ਵਲੋਂ ਕੀਤਾ ਜਾਵੇਗਾ ਤਿੱਖਾ ਵਿਰੋਧ : ਜਸਮੇਲ ਸਿੰਘ

ਮੋਗਾ (ਪੱਤਰ ਪ੍ਰੇਰਕ) : ਪਿੰਡ ਮੰਗੇਵਾਲਾ ਵਿੱਖੇ ਸਰਕਾਰ ਦੁਆਰਾ ਸਮਾਰਟ ਚਿੱਪ ਵਾਲੇ ਮੀਟਰ ਲਗਾਉਣ ਦਾ ਯਤਨ ਕੀਤਾ ਗਿਆ, ਇਸ ਤੇ ਕਿਰਤੀ ਕਿਸਾਨ ਯੂਨੀਅਨ ਇਕਾਈ ਮੰਗੇਵਾਲਾ ਨੂੰ ਪਤਾ ਲੱਗਿਆ। ਜਿਕਰਯੋਗ ਹੈ ਕਿ ਸਰਕਾਰ ਸਮਾਰਟ ਮੀਟਰ ਲਗਾਉਣ ਦੀ ਪਹਿਲ ਸਰਕਾਰੀ ਪ੍ਰਾਪਰਟੀ ਤੋਂ ਕਰ ਰਹੀ ਹੈ । ਇਸਦੇ ਸਬੰਧ ਵਿੱਚ ਅੱਜ ਕਿਰਤੀ ਕਿਸਾਨ ਯੂਨੀਅਨ ਵੱਲੋਂ ਫੌਰੀ ਮੀਟਿੰਗ ਸੂਬਾ ਪ੍ਰਧਾਨ ਨਿਰਭੈ ਸਿੰਘ ਢੁੱਡੀਕੇ, ਜਿਲ੍ਹਾ ਪ੍ਰਧਾਨ ਪ੍ਰਗਟ ਸਿੰਘ ਸਾਫੂਵਾਲਾ ਦੀ ਅਗਵਾਈ ਹੇਠ ਕੀਤੀ ਗਈ।

ਜੋ ਕਿ ਸੰਯੁਕਤ ਕਿਸਾਨ ਮੋਰਚੇ ਅਨੁਸਾਰ ਜੋ ਸਰਕਾਰ ਵੱਲੋਂ ਸਮਾਰਟ ਚਿੱਪ ਵਾਲੇ ਮੀਟਰ ਹਨ ।ਉਹ ਕਿਰਤੀ ਕਿਸਾਨ ਯੂਨੀਅਨ ਵੱਲੋਂ ਮੋਗਾ ਜਿਲ੍ਹੇ ਦੀ ਹਦੂਦ ਅੰਦਰ ਬਿਲਕੁੱਲ ਨਹੀ ਲੱਗਣ ਦਿੱਤੇ ਜਾਣਗੇ। ਜੇਕਰ ਮੋਗਾ ਜਿਲ੍ਹੇ ਦੇ ਕਿਸੇ ਵੀ ਪਿੰਡ ਵਿੱਚ ਕੋਈ ਵੀ ਬਿਜਲੀ ਅਧਿਕਾਰੀ ਸਮਾਰਟ ਮੀਟਰ ਲਗਾਉਣ ਲਈ ਆਉਂਦੇ ਹਨ ਤਾਂ ਕਿਰਤੀ ਕਿਸਾਨ ਯੂਨੀਅਨ ਉਹਨਾਂ ਦਾ ਸਖਤ ਵਿਰੋਧ ਕਰੇਗੀ।  ਇਸਦੇ ਸਬੰਧ ਵਿੱਚ ਅੱਜ ਕਿਰਤੀ ਕਿਸਾਨ ਯੂਨੀਅਨ ਦੇ ਆਗੂਆ ਵੱਲੋਂ ਐਕਸੀਅਨ ਮੋਗਾ ਨੂੰ ਸਮਾਰਟ ਚਿੱਪ ਵਾਲੇ ਮੀਟਰ ਨਾ ਲਗਾਉਣ ਤੇ ਮੰਗ ਪੱਤਰ ਵੀ ਦਿੱਤਾ।  ਇਸ ਮੌਕੇ ਜਿਲ੍ਹਾ ਆਗੂ ਨਿਰਮਲ ਸਿੰਘ ਘਾਲੀ, ਨੌਜਵਾਨ ਭਾਰਤ ਸਭਾ ਆਗੂ ਕਰਮਜੀਤ ਸਿੰਘ ਮਾਣੂਕੇ,ਬਲਾਕ ਸਕੱਤਰ ਜਸਮੇਲ ਸਿੰਘ ਬਾਘਾਪੁਰਾਣਾ,ਬਲਾਕ ਪ੍ਰਧਾਨ ਮੁਖਤਿਆਰ ਸਿੰਘ ਕਾਹਨ ਸਿੰਘ ਵਾਲਾ ਮੋਗਾ 2,ਮੀਤ ਪ੍ਰਧਾਨ ਜਸਵੰਤ ਸਿੰਘ ਮੰਗੇਵਾਲਾ,ਨਾਹਰ ਸਿੰਘ ਖਜ਼ਾਨਚੀ, ਕਿੰਦਰ ਸਿੰਘ ਰੋਡੇ ਬਲਾਕ ਆਗੂ,ਦਲਜੀਤ ਸਿੰਘ ਦਫਤਰ ਸੈਕਟਰੀ ਆਦਿ ਆਗੂ ਹਾਜ਼ਰ ਹੋਏ।